[A:14a]gyi dkri ba la ma ltos par/ dang po nyid nas dbang bskur te lta ba la sogs pa bstan pas chog pa yin yang / skabs 'dir gang zag skal dman rim 'jug pa dkri tshul gyi rnam gzhag gtso che bas/ de'i lugs la dbang gi sngon du thun mong ba'i lam gyi nges par dkri dgos par dbang gi chu bo chen mo bklags pa tsam gyis kyang go bar nus pas/ snang ba gsum gyi khrid kyang gzhan don du slob ma rjes su bzung ba'i sa khongs su bsdus nas dbang gi sngon 'gror bzhed pa yin gyi/ smin grol gnyis kyi phye ba'i phyi ma'i khongs su 'dren par mi mdzad par mchis lags/ gal te de ltar mi bzhed par dngos bstan sgra ji bzhin pa de las gzhan ci yang bshad du med na snang ba gsum gyi khrid gang du ston gyi gsal kha ci yang med pas/ gsang ba sgo 'byed khas len pa po dag gi lugs la/ snang ba gsum gyi khrid gtan nas ston mi dgos par thal ba'i skyon du 'gyur ba ma lags sam/ yang gsang ba sgo 'byed las/ gsum pa ni/ lam rim pa gnyis nyams su len pa ste/ 'og tu nyams su len pas 'dir mi 'chad ces pa'i don/ dam tshig rjes su bskyangs pa'i phyi ma de/ 'og lam sogs nyi shu'i skabs nas 'byung ba'i rim pa gnyis kyi nyams len la kha 'phangs pa yin gyi/ gsung ngag gi khrid kyi tshe/ de dag skabs nas blangs nas ston dgos par 'chad pa ni ma yin pas dogs pa'i gnas ci yang ma mchis lags/ rje sa paN gyi khrid yig dkar chag ces pa brda don gsal ba'i khrid yig la ngos 'dzin par mdzad na ni/ bshad ma thag pa de