[A:141b]dang / 'bras bu la rgyu'i rgyas 'debs kyi skabs su rgyu la 'bras bu'i rgyas 'debs tshul sogs byas na 'chol bar 'gro ste/ rgyas 'debs pa'i don ma 'khrul bar mtshon par nus pa zhig yin la/ de dag gi don mtshon par mi nus pa'i phyir ro/ /de'i dper brjod ni/ gau rI dang pukka si la 'od dpag med kyi rgyas gdab byas pa lta bu'o/ /dri ba gsum pa sa paN dkar chag tu byed pa dang / dbang po rab 'bring gsum dkri ba'i khrid yig tu byed pa'i dpe sogs shes byed du byas nas/ dbang bskur gyi rjes la snang ba gsum ston par byed pa la mi 'thad par sgrub byed mang du byed kyi gda' lags pa/ de ltar na gzhung dang po/ lung phu bas byas zer ba 'ga' zhig gda' lags pa/ de yin na lung phu ba de su yin lags/ de min na gzhung gnyis po 'dis byas gsal ba gcig khrid rim de la chos kyi gnad bcos pa lta bu'i log rtog yin na gang zag sus byas/ de man brgyud pa chad pa lta bur mi 'gyur lags sam/ gnad rnams min pa'i chos gzhan 'ga'/ /zhes pa ltar yin na/ gzhung gnyis gong ma'i min zer ba dang / shin tu mi rigs te zhes pa'i dgag pa rnams ji ltar yin lags/ zhes gsungs pa'i lan la/ sa paN gyis mdzad zer ba'i dkar chag gi yi ge 'di/ sa skya'i bla brang bzhi thog na yod pa'i sa paN gyi bka' 'bum rgya shog la bris pa'i gser ma/ chos kyi rgyal po 'phags pa tsam gyi dus su byung ba gcig yod pa/ de'i nang du yang bris/ gzhan bka' 'bum rnying pa mang po'i nang du bcug yod cing / chos rje dpal ldan bla ma dam pas kyang / sa