[A:133a]
sam/ zhes pa'i lan ni/ lam bskor phyi ma brgyad po 'di yang rten sa'i rgyud gang dang gang yin pa de dang de'i dbang gi smin par byas pa dgos pas/ bsam mi khyab la sambu Ti'i dbang ngam/ kyai rdo rje 'grel pa lugs kyi dbang gang rung dgos/ sa paN gyis 'grel pa lugs mdzad par bshad/ mtsho skyes la ni de nyid kyi dbang / lhan cig skyes grub la 'grel pa lugs/ gtum mo lam rdzogs dang yon po srong ba la 'khor lo bde mchog dang gsang ba 'dus pa gang rung / mchod rten drung thob la gsang ba 'dus pa/ yi ge med pa la gsang ba 'dus pa dang rdo rje bdag med ma gang rung / dbang yon tan rim pa la gsang ba 'dus pa rnams dang po'i dus kyi lam bskor brgyad kyi smin byed yin no zhes rje btsun rdo rje 'chang kun dga' dbang phyug gsung gin 'dug lags/ da lta'i dus kyi ston pa po rnams kyi ji ltar mdzad pa'i tshul ni spobs par mi nus lags/ ding sang gi dus su ni dbang de dag thob nas khrid de dag nyan pa po rnams la yang dbang de rnams smin byed du 'gro ba'i nges pa mi snang ste/ sngar nas dbang bskur gzhan gyis smin par byas pa la khrid de dag ston pa shas che ba'i phyir ro/ /dri ba lnga pa bde gshegs snying po/ rang bzhin gnas rigs/ kun gzhi rgyu rgyud rnams ming gi rnam grangs lta bur mkhas mchog smra seng gis gsungs gda' lags pa/ de ltar ma yin na/ lang gshegs stug po bkod pa dang / /rnal 'byor dbang phyug man ngag dang / dpal ldan zla ba'i zhabs sogs kyis/ /kun gzhi'i sgra yang 'di la bzhed/ /ces