[A:143b]pa'i gzhung gi don ji ltar yin lags/ de gsum ming gi rnam grangs yin na/ rgyu rgyud sbyang gzhi yin tsa na gnyis po'ang sbyang gzhir mi 'gyur lags sam zhes pa'i lan ni/ bde gshegs snying po dang / kun gzhi rgyu rgyud sogs ngo bo'i sgo nas mi 'dra ba'i dbye ba med pas/ de la dgongs te rje btsun chen pos/ rang sems gdod nas spros bral rgyu rgyud dang / /dbang gi ye shes lam gyi lta ba dang / /nyams myong sangs rgyas sa dang ngo bo gcig /ces gsungs pa dang / mkhas mchog smra seng gis gsungs pa de rnams khyad par ci yang med cing / rang gi sems yod med kyi spros pa'i mtha' thams cad dang bral ba gcig nyid ma dag pa'i dri mas sgrib pa'i gnas skabs la rgyu rgyud dang / sems spros bral de'i spyi'i mtshan nyid kyis thams cad la khyab pa'i cha nas bde gshegs snying po dang / chos sku'i rgyu byed pas rang bzhin gnas rigs sogs su gnas skabs la ltos nas tha snyad so sor btags kyi/ rang gi ngo bo nas sbyang rgyu med pas sbyang gzhir ji ltar 'gyur te/ mi 'gyur la/ de'i rgyu mtshan gyis/ bdag med bstod 'grel las kyang / rang bzhin la ltos nas gnas gyur med pa dang / yon tan la ltos nas gnas gyur yod pa sogs rje btsun gong ma rnams kyi rtsa ba'i grub mtha' yin la/ sbyang gzhi rgyu rgyud sbyong byed thabs rgyud/ sbyang 'bras sangs rgyas zhes sogs dang / rgyu'i rgyud sngon du 'gro ba rten gyi gang zag zhes pa'i tshig tsam la brten nas/ sgyu ma mkhan gyi gang zag gi tshig gis sprul pa sna tshogs su ston pa la thugs gtad par mi mdzad 'tshal