[A:146a]brten nas/ dbang bskur nyi ma nub pa nas nyi ma ma shar gyi bar du mdzad par gsungs pa la/ ding sang nyin par mdzad pa dang / rdo rje slob dpon la dbang stegs grangs nges dang bcas byed par gsungs pa la/ ding sang grangs nges mi mdzad pa rnams kyi lung rigs gnang ba zhu/ zhes pa'i lan ni/ rgyud sde nas gsungs pa'i dngos bstan la ji ltar yod pa'i phyag len de rnams da lta dus kyi stobs kyis ji lta ba bzhin du mdzad pa rgya bod kyi bla ma phyi ma phal che ba gcig la yang ma byung 'dug cing / de la lung rigs kyi shes byed gzhan 'god rgyu med kyang / bstan pa dar nub kyi babs la sogs nas/ sdom pa gsum ka'i phyag len gyi rim pa ding sang gi dus su cha mtshungs pa tsam la gtso bor byed dgos pa yin nam snyam pa byung lags/ 'di tsam du ma zad kyi dbang bskur bya ba'i yul dang / byed pa po slob dpon dang / ji ltar bya ba'i cho ga'i gnad che sa kun tu yang legs par dpyad na ding sang gi dus su ji ltar yod dgongs par zhu zhing / dus skabs 'di 'dra ba la dgongs nas/ sdom pa gsum gyi rab tu dbye bar/ des na nyan thos bstan pa ni/ /nub kyang gzugs brnyan tsam zhig snang / /rdo rje theg pa'i bstan pa ni/ /gzugs brnyan tsam yang mi snang ngo / /zhes gsungs pa yin par go lags/ rdo rje slob dpon gyi dbang la grangs nges mi mdzad pa yang slob ma'i rigs so sor mi nges shing thams cad kyang slob dpon gyi rigs yin pa'i dbang du byas nas mdzad pa ka yin mchis/ dri ba dgu pa rjes 'dzin byas pa'i slob ma gcig sta