[A:147a]gsum po 'di lam gyi gzhi bca' la sbyor ba dang / lam yongs rdzogs la sbyor ba'i tshul gnyis las/ dang po la yang dbang po rtul po la rgyud las ji ltar gsungs pa bzhin gso sbyong nas bde mchog sgyu ma'i bar ther chags su dkri ba dang / snang ba dang po dkri tshul tsam sngon du song nas/ bde mchog sgyu ma'i bar la ci rigs pa la dkri ba dang / de lta bu'i dkri tshul rgyas shing mang ba mi dgos par snang ba dang po gnyis tsam gyi nang du so so thar pa dang / byang chub sems dpa'i sdom pa'i nyams len tshang ba la bkod nas/ de rjes kyai rdo rje brtsams pas chog pa sogs du ma yod pa las/ lam gyi gzhi bca' ba'i skabs 'dir ni snang ba gsum gyi dkri ba tsam du bsdus nas nyams su blangs pas chog ces pa'i don yin gyi/ gzhi bca'i skabs 'dir/ sgyu ma bde mchog gi bar gyi dkri tshul thams cad snang ba gsum du bsdus nas nyams su len pa ni ma yin te/ de'i tshe pha rol tu phyin pa rang rkang nas bshad pa'i nyams len gyi rim pa yin pas/ rgyud sde bzhi'i nyams len gyi rim pa la ma zhugs pa'i phyir ro/ /yang snang gsum lam rdzogs la sbyar ba'i tshe ni/ ma dag pa'i snang ba nas dbang gi bar rgyu rgyud/ nyams kyi snang ba thabs rgyud/ dag pa'i snang ba 'bras rgyud du 'gyur zhing / de'i tshe ma dag pa'i snang ba'i skabs su skyes pa'i log lta spong ba'i nyams nas brtsams te/ bde mchog sgyu ma'i bar gyi ting nge 'dzin thams cad nyams snang dang / 'bras bu sangs rgyas kyi sa'i yon tan la yid ches khyad par can skye ba yang / nyams snang