[A:147b]ngam/ 'bras bu rang gi khongs su bsdus kyang chog la/ thams cad kyang / 'khor ba'i nyams la rten nas log lta spong / /lam gyi nyams kyis theg pa gcig tu bsdu/ /'bras bu'i nyams kyis spro ba mchog tu 'gyur/ /zhes bshad pa ltar/ gzhi lam 'bras gsum gyi nyams gsum gyi nang du bsdus shing sgro 'dogs chod par byas nas nyams su blang yang chog pas na/ mkhas mchog smra seng gis bshad pa de rnams dang / 'khor 'das thun mong ba'i lam la gzhung tshom bu bdun du bshad pa re res kyang lam yongs rdzogs re bstan ces gsungs pa ni/ kha nang du phyogs nas nyams su len pa rnams la man ngag gi dam pa lags/ dri ba bcu gcig pa/ ljon shing las/ de bas na theg chen thun mong ma yin pa'i lta ba dang / spyod pa rim pa can la bslab pa'i gang zag de la/ sngags kyi rim pa kun shes nas/ /zhes sbyar te zhes pa nas/ tshe 'di nyid la thob par byed/ /ces pa'i bar gyi gzhung 'dis/ bya rgyud nas bde mchog gi bar gyi sems bskyed/ tshul khrims/ de kho na nyid/ sa dang lam gyi rim pa/ 'bras bu 'grub tshul rnams myur bul ma gtogs/ theg pa thun mong ba dang khyad par med pa lta bu gcig gsungs gda' lags pa/ de ltar yin nam min lags pa/ yin na 'di ltar yin gyi gsal cha dang / min na gzhung de'i don ji ltar lags/ zhes gsungs pa'i lan ni/ rgyud sde spyi'i rnam gzhag las/ don gcig na yang ma rmong pa dang / /thabs mang dka' ba med pa dang / /dbang po rnon po'i dbang byas pas/ /sngags kyi theg pa khyad