[A:148b]'khor 'bring po nyid yin no/ rab gnas bzang po drug pa 'di ni kyai rdo rje'i rgyud kyi dngos bstan gyi rab tu gnas pa yin la/ rab tu gnas pa'i rgyud/ gzhung bdun lo tsA ba chen po rin chen bzang po'i sdom tshig dang bcas pa 'di ni rgyud sde bzhir phye ba'i tshe na/ rgyud rang gi ngo bo rnal 'byor gyi rgyud du bzhed cing / cho ga'i phyag len gyi rim pa ni rgyud sde gong ma rnams la'ang sbyar du rung zhing / phyag len la yang mdzad pas na bzang po drug pa'i lugs ltar du kyai rdo rje la rten nas don gsal gyi lugs dang mthun par cho ga mdzad pa 'di'i cho ga rang la ni/ bzang drug dang don gyi thog nas khyad par chen po mi 'dra ba 'di yin gyi gsal cha ni 'bul rgyu ma mchis/ dri ba bcu gsum pa/ sras don ma sogs su bskyed rdzogs bsgom pa la rten nas ting 'dzin ma skyes na/ tshogs rang rkyang du shor ba yin pas pha rol tu phyin pa dang khyad par med gsungs/ de gnyis bsgom pa la rten nas drod skyes na rnal 'byor pa'i lam sna 'di nas zin zhes pa dang / dri med rgyan 'grel las/ lung sgo bstun gyi dbang du byas na/ drod gsum po de tshogs lam/ sbyor lam/ mthong lam gsum la rim pa bzhin du bzhog pa lta bur gsungs gda' lags pa/ des na rnal 'byor pa'i lam sna 'di nas zin zhes pa'i lam de lam lnga'i dang po la 'jog pa yin nam bsam lags/ ji ltar lags gsal ba cig yang man ngag las/ drod gsum po de nyams bco lnga'i nang tshan gyi drod gsum la 'jog pa lta bur gsungs gda' lags pa/ de ltar na nyams lhag ma rnams kyang drod gsum du 'dus pa lta bur mi