[A:149a]'gyur lags sam/ rgyud nas gsungs pa'i drod gsum dang / man ngag gi drod gsum rgyud don man ngag gi nyams su len pa'i tshe 'jig rten pa'i lam du 'jog pa 'di gong ma'i dgongs pa yin gsungs pa 'dra gda' lags pa ji ltar lags gsal ba zhig thugs rje chen po'i bka' drin gyis bskyang du gsol/ zhes gsungs pa'i lan ni/ man ngag las gsungs pa'i drod gsum gyi nang du drod thams cad 'dus par sras don ma las bshad de/ de nyid las khams 'dus pa gsum1 gyis drod gsum du bzhag pa dang / skye sla ba dang / skye dka' ba dang / skye shin tu dka' ba gsum gyis drod gsum2 du bzhag pa dang / yul rkyen gyi gnod pa dang / phan gnod med pa dang / yul rkyen gyis rtogs pa ye shes kyi grogs byed pa'i sgo nas drod che 'bring chung gsum3 du bzhag pa dang / chos brgyad kyi rtog pa rags rim 'gags pa dang / tshar bcad rjes bzung gang rung nus pa dang / tshar bcad rjes bzung gnyis ka mnyam par grub pa'i sgo nas drod gsum4 du bzhag pa dang / phung po lnga dul zhing ye shes kyi 'gro ldog byed pa dang / rgyu dus kyi 'bras bu bzhi thob pa dang / grub mtha' dang po la 'char ba'i 'bras bu bzhi mngon du gyur pa'i sgo nas drod gsum5 du bzhag pa ste 'jog tshul lnga gsungs shing / dmar ma'i mchan bu dkar gyis btab pa las kyang / de ltar du 'byung bas 'di rnams kyi drod gsum gyi 'jog tshul phyi ma gnyis po de'i nang du rgyud nas gsungs pa'i drod che 'bring chung gsum yang 'du ba lags shing / 'on kyang man ngag gi