[A:21a]te/ sngon 'gro dang rjes kyi bya ba thun mong bas bsdus pa'i phyir/ slob ma sta gon la mi mtshungs te/ ji skad du/ lha yang nyi ma nub pa dang / /nges par byin gyis brlabs kyis 'du/ /zhes slob ma sta gon gyi mgo nyi ma nub pa nas mdzad dgos la/ de yang nyi ma ma shar gong du zin dgos te/ ji skad du/ de phyir khyed rnams theg chen du/ /sang ni rab tu skye bar 'gyur/ /zhes gsungs dgos pa dang / rmi lam brtag dgos pa'i phyir de ltar bshad pa na/ snang gsum khrid kyi bsgrub pa po dag la gsang ba spyi rgyud nas bshad pa'i slob ma rjes 'dzin gyi rtogs pa de/ de'i cho ga la brten nas gsar du bskyed mi dgos pa dang / las dang po pa gzhan dag la rtogs pa de skyed dgos pa'i khyad par las rab tu phye ba yin no/ /de'i tshe so so skye bo'i rdo rje slob dpon gyis slob ma nyi shu rtsa lnga las lhag pa rjes su 'dzin pa'i nus pa yod kyang / skabs der mi 'dzin zhes pa nyid gong ma dag gi dgongs pa'o/ /gsum pa dbang dang sta gon gyi grangs nges rjes bzung la ltos na ha cang thal ba ni gnyis te/ spyi rgyud pa la ha cang thal ba dang / lam 'bras pa la ha cang thal ba'o/ /dang po ni/ khyed kyi drangs pa'i lung der/ gal te rjes bzung byas gyur pa/ /'ga' zhig der ni ma 'ong na/ /de yi gzugs brnyan skyin por gzhug /ces dang / sta gon gnas su ma 'ong na/ /gzhan dag de yi skyin por gzhug /ces dang / sta gon gnas pa 'ga' zhig ni/ /dbang gi dus su med gyur na/ /gzhan la dbang bskur bya ba min/ /zhes pa'i lung sgra ji bzhin par