[A:20b]dgos te/ sngags lam gyi thog ma'i sa mtshams 'dzin dgos pa'i phyir/ ji ltar na/ sngags chos thun mong ma yin pa tshig gi ma bstan kyang / gsang sngags kyi thar pa'i yon tan shes sam mi shes kyang / dad pas rjes su 'brangs pa'i dga' spro mang ba'i phyir/ sngags kyi thar pa cha mthun no/ /gnyis pa ni/ de ltar sngags kyi thar pa cha mthun du zhugs pa'i slob ma/ sngags kyi lam du 'jug par mdzad pa ni rjes 'dzin dngos yin la/ de ni slob ma sta gon nyid kyis mdzad pa yin te/ slob ma'i lus ngag yid gsum rdo rje gsum du byin gyis brlabs nas/ thun mong yin min gyi sdom pa 'dzin pa sogs sngags kyi zab rgyas mang po thos bsam gtso bor gyur pa'i phyir dang / ji skad du/ bstan pa 'di la khyed rnams kun/ /yongs su bzung ste skye bzhin pa/ /zhes so/ /chos kyi rjes kyang spyi rgyud kyi slob ma rjes 'dzin gyi dngos gzhi ni/ slob ma sta gon nyid la dgongs par gsal te/ nyi shu rtsa lnga las lhag pa rjes su mi 'dzin pa'i shes byed du/ de las lhag pa'i slob ma la/ cho ga yongs su rdzogs pa ni/ mtshan mo gcig la tshar mi nus/ /zhes rjes 'dzin gyi cho ga la bshad pas so/ /mi 'thad de dbang dngos gzhi la dgongs so zhe na/ ma yin te/ dbang bskur nyin mo byas pas cho ga nyams par sus kyang 'chad mi nus pa'i phyir dang / nyi shu rtsa lnga las nyung ba la dbang bskur mtshan thog thag byas kyang / cho ga yongs su rdzogs par mi tshar ba shin tu mang ba'i phyir/ sta gon gcig gis chog pa'i dbang bskur mang po ba rnams yongs rdzogs gcig tu 'jog pa yin