[A:25b]bshad du/ gzhan dag rdo rje slob dpon gyi dbang bskur byed pa'i tshe grangs dang nges bzung med par sta gon dus kyi nyi shu rtsa lnga po thams cad la/ dus gcig car du dbang bskur ba ni sa skya pa'i lugs ma yin te/ slob dpon rin po che'i 'grel pa lugs kyi dbang chu dang / man ngag lugs kyi dbang chu gnyis ka las/ nyer lnga po thams cad la slob dpon gyi dbang gcig car du bskur ba bkag pa'i phyir te/ ji skad du/ slob dpon snying rje chen po yis/ /slob ma gdams pa snying rje can/ /sngags dang rgyud rnams 'dzin pa po/ /gcig ni nan tan bskyed nas bzung / /zhes pa'i lung gi tshogs pa thams cad la dbang bskur bar mi bya ste zhes dang / slob ma'i gtso bor gyur pa gcig sngar bshad pa'i dbang stegs la bzhag ste zhes dang / slob ma re re nas dbang stegs la bzhag ste zhes dang / dbang bskur nas bkra shis brjod zin pa'i 'og tu thams cad bkug nas de kho na nyid bstan par bya'o/ /zhes gsungs pa'i phyir/ rje btsun gong mas gang bkag pa de nyid nan tan gyi bsgrub par ma byed cig ces 'byung ngo / /lan la gsum ste/ tshogs pa la rdo rje slob dpon gyi dbang bskur ba nyes can yin na kun gyi sel dgos par bstan/ dgos pa'i dbang gi de ltar mdzad pas dgag bya mang po khegs par bstan/ slob ma slob dpon gyi skal ba can la phyag len de nges par byed dgos pa nyid du bshad pa'o/ /dang po ni/ slob ma smin byed kyi cho gas rig pa'i dbang lnga bskur ma thag pa'i slob ma mtha' dag la tsham tshom med par maNDal dang gsol ba 'debs su bcug nas