[A:26a]slob dpon gyi dbang bskur ba 'di dbang gi chu bo dang mi 'gal bar khas len pa ma yin mod/ khyed kyis 'gal bar go nas dbang chu'i dgongs pa bzhin byed par khas len na/ rjes 'dzin gyi tshe lus dang longs spyod gang yod mi 'bul na rjes 'dzin mi byed/ sta gon gyi tshe tshe 'di don du gnyer na slob ma sta gon mi byed/ sems ma bskyed pa dang ye shes ma phebs pa dkyil 'khor du mi 'jug pa sogs khung thub kyi bshad tshod thams cad khyed cag gi phyag len du khel ba yod dam/ yod na mngon sum dang mi 'gal lam/ med na ma bshad pa mtha' dag nan gyis byed dam/ gnyis pa ni/ slob dpon gyi dbang bskur tshul de 'dra cis kyang byed dgos zhes pa/ grub mtha' la byas pa med/ dam bca' med pa la lung 'gal gyi sun 'byin brjod pa mkhas pa'i lugs ma yin/ spyir btang la slob dpon gyi dbang don du mi gnyer ba dag bzhud cig ces bkye dgos par bshad kyang / nged kyi bla ma'i dbang gral du slob dpon gyi dbang don du mi gnyer ba de 'dra ma byung / don du gnyer bzhin phud na dgag bya cir 'gyur/ dgos pa ni/ ma mtha'ang mtshan brjod kyi lung tsam cig len pa la yang slob dpon gyi dbang 'di bskur dgos pa ma yin nam/ slob ma nyer lnga po thams cad kyi dbang 'di don du gnyer na/ 'ga' zhig la blo gros mi ldan pa sogs kyis smad na/ de'i tshe slob dpon la mi chos bla ma dang / slob mas slob dpon la khong khro ba sogs dgag bya cir 'gyur/ rdo rje'i slob dpon 'phrin las chung ngu slob ma nyung shas las med pa dag gi re re