[A:26b]nas dbang stegs la 'god par nus kyang / 'phrin las rlabs po che dag la dgos pa'i khyad par gzhan du ma 'byung ngo / /gsum pa ni/ bod 'dir bla med rdo rje theg pa'i snod rung gi slob ma thun mong gi dbang drug pos smin par byas zin pa rnams ni chos can/ slob dpon gyi dbang gi snod du mi rung ba med de/ bla med rdo rje theg pa'i rgyud mtha' dag nyan pa'i snod du rung ba'i phyir/ 'o na rgyud de dag nyan pa la slob dpon gyi dbang bskur mi dgos par thal lo zhe na/ mi dgos pa ma yin te bla med rigs drug gi rgyud dngos su nyan pa dang lta ba la lha dang dkyil 'khor la sogs pa'i de kho na nyid shes pa sngon du 'gro dgos pa'i phyir/ des na 'phags yul lta bu rgyud sde bzhi'i gdul bya so sor nges pa dang / bla med rkyang pa'i gdul bya la'ang dbang gong ma don du gnyer mi gnyer so sor nges pa de'i tshe/ dkyil 'khor du 'jug pa tsam byas nas 'gyes su 'jug pa dang / slob ma'i dbang tsam bskur nas dang / bum pa'i dbang tsam ba bskur nas 'gyes mi 'gyes kyi dbye ba dag yod pa yin gyi/ rdo rje'i rigs can gcig tu gyur pa la ni de ltar yod pa ma yin no/ /de'i tshe re re nas dbang bskur ba'i dgongs pa yang / dkyil 'khor chen po'i shar phyogs su dbang stegs kyi dkyil 'khor gcig las ma bsham pa'i don dang / de kho na nyid 'chad pa'i tshe dbang stegs la 'jog mi dgos pa'i rgyu mtshan gyis thams cad bkug pa yin gyi/ dgos pa'i khyad par gzhan yod par mi sems so/ /'o na rdo rje theg pa'i snod rung mtha' dag de'i slob dpon du 'os par nges sam zhe na/ rdo rje slob