[A:27a]dpon du dbang bskur ba la dgos pa ni gnyis te/ bskyed rim gyi dbang du byas pa'i rgyud mtha' dag la thos bsam bsgom gsum byed pa'i don du dang / de ltar byas pa'i 'og tu slob ma la chos 'chad pa dang / bgegs gzhom pa dang / dbang gong ma la 'jug pa la sogs pa'i don can no/ /dgos pa dang po de 'grub pa la ni slob dpon gyi dbang dang dngos gzhi bskur ba tsam gyis chog la/ gnyis pa de 'grub pa la ni chos 'chad pa'i rjes gnang la sogs pa phyi ma rnams thob dgos pa yin no/ /de ltar yin pa de'i phyir/ slob ma'i dbang dang slob dpon gyi dbang mtshan mo gcig la bskur ba'i phyag len byas pa de'i tshe/ 'ga' zhig gi bsam pa la slob gnyer dang bsnyen bsgrub byed ma dgos par rdo rje slob dpon du byung ngo snyam pa'i dogs pa de yang khegs pa yin no/ /rdzogs rim gyi chos 'chad pa'i rdo rje slob dpon du 'gro ba la ni dbang gong ma sngon du 'gro dgos shing / de yang dbang rnon la dbang bzhi cig car du bskur bas chog kyang / dbang gi chu bo las ni brtul 'bring gi dbang du mdzad do/ /srin bu pad pa'i 'gros zhib pos/ /lam du bgrod pa mkhas mkhas po/ /nam mkha' lding gi 'gros chen gyis/ /mkha' la bgrod pa rtsing rtsing po/ rgol ba lnga pa ni/ 'di skad du/ dbang bskur yongs dag med pa dang / /zhes pa de'i rgyas bshad du/ yang gzhan dag rdo rje brtul zhugs dang / rdo rje slob dpon gyi dbang rdzas la bskyed chog mi 'dod pa ni mi 'thad de/ rje btsun gyis mdzad pa'i lam dus kyi dbang gi yi ge las/ thun mong gi dbang