[A:28a]yongs su dag pa bzhi mi srid/ gtong na rdo rje sems dpa' med par byed dgos/ byin gyis rlabs tshul rgyu dus dang 'dra na/ dbang rdzas dag pa bzhis byin gyis brlabs zin pa'i rjes su slob ma dbang bskur dgos pa ma yin nam/ ci'i phyir/ kho bo cag la klan ka 'tshol bar byed/ dbang rdzas dag pa bzhis bsgrub pa'i tshe/ rdo rje mi dmigs par byas nas lha dam tshig pa nyid du bskyed pa sogs tshang bar byas pa zhu ba las/ rdo rjer gyur pa zhig slob ma la ster dgos pa min nam/ yin na rdo rje'i dbang bskur tshul du song gi slob dpon gyi dbang bskur tshul du ma song / dril bu la yang de dang 'dra zhing / slob dpon gyi dbang gi skabs su phyag rgya yang dbang rdzas kyi gtso bor 'dod dgos pa ma yin nam/ gnyis pa ni/ rje btsun gyi gzhan rnams rgyu dus dang 'dra'o zhes gsungs pa nyid kyi rgyu lam gnyis ka'i brtul zhugs dang / slob dpon gyi dbang rdzas la yongs dag bzhi tshang bar mi dgos par nyid du grub pa yin te/ slob dpon rin po ches mdzad pa'i dbang gi chu bo gnyis ka las/ stong pa'i ngang las hU~M las rdo rjer bskyed ces/ /tshig rigs snyon mi nus par yod pa yin gyi/ lha dam tshig pa zhig tu bskyed pa'i tshig zur tsam yang mi snang ba'i phyir dang / de med par yongs su dag pa bzhi ji ltar tshang / gal te rdo rje'i de kho na nyid rdzogs par bskyed nas slob ma la byin zhes pas dag pa bzhi thon no snyam na/ rdo rje'i de kho na nyid ci la zer yongs dag bzhi po de de'i de kho nyid du 'chad pa po su zhig 'byung / nges don gyi rdo rje ni/ sangs