[A:27b]drug rdo rje slob dpon gyi dbang dang bdun ka'i bdag dang dbang rdzas yongs su dag pa bzhis byin gyi rlabs dgos te/ de'ang rgyu dus dang mi 'dra ba ni dam tshig pa pho brang lnga'i gtso bor 'pho/ rdo rje 'chang phyag gnyis par 'pho/ gzhan rnams rgyu dus dang 'dra'o zhes gsungs pa dang dngos su 'gal lo zhes 'chad/ lan la gnyis te/ dngos bstan gyi rgol tshul rtsing par bstan/ zhe 'dod kyi dngos lan btab pa 'phros dang bcas pa'o/ /dang po ni/ brtul zhugs dang slob dpon gyi dbang rdzas la bskyed chog dgos pas khyab na/ de dus kyi bum pa la bskyed chog ci'i phyir mi byed/ gong du byin gyis brlabs zin ma nyams pa'i 'phro nyid do zhe na/ rdo rje la'ang ci'i phyir mi mtshungs/ bum pa chu dbang gi thun mong ma yin pa'i dbang rdzas so zhe na/ rdo rje'ang 'od dpag med kyi 'o/ /de dang 'di'i dbang rdzas tha dad do ce na/ 'di'i dbang rdzas logs pa zhig 'tshol lam/ sngar gyis byin brlabs zin pa de mi dmigs par byed/ brtul zhugs dang slob dpon gyi tshe'ang bdag dang dbang rdzas gnyis ka la dag pa bzhi tshang dgos na/ rdo rje sems dpa' nyid mi dmigs par byas nas/ slar yang de nyid kyi bskyed chog rdzogs par byed dam/ brtul zhugs kyi tshe sbyang gzhi stong par sbyong ngo zhe na/ de'i sbyang gzhi dang slob ma'i gzhi mthun gang la byed/ khyad par du slob dpon gyi tshe dbang rdzas rdo rje la 'dod mod/ bdag gi mtshan gzhi gang yin/ dbang stegs la 'jog kha ma de yin nam/ bzhag zin pa de yin gang la 'dod kyang thog mar dmigs med du btang ba sngon du ma song ba'i