[A:28b]rgyas thams cad tshang ba'i rdo rje sems dpa' nyid do zhes/ sngar rdo rje'i dbang dus las blo bskyed bton nas brda sprod pa yin te/ ji skad du/ 'di de sangs rgyas thams cad de/ /zhes sogs kyis go bar byed pa'i phyir ro/ /'on kyang 'dir ni mdor bstan pa tsam yin la/ rdor dril gnyis ka'i de kho na nyid gsal po ni/ slob dpon gyi dbang dus su ston par mdzad pa de'o/ /'o na dbang bdun ka'i skabs su/ dbang rdzas dag pa bzhis byin gyis rlobs zhes pa'i gsung 'di snyon mi nus pas/ dbang phyi ma gnyis kyi tshe/ dbang rdzas kyi dag pa bzhi gang la ngos 'dzin zhe na/ de'i tshe rdor dril las gzhan pa'i dbang rdzas ngos mi 'dzin la/ de yang lam dus su ni gnyis po de ltar byin gyis brlabs ma thag pa de nyid ma nyams par rdo rje 'chang gi bdag nyid la so so'i de kho na nyid tshang bar ngo sprad nas byin pa'i mos pa las 'os med la/ rgyu dus su mtshan mo gcig la dbang bdun ka bskur ba'i tshe ni/ bshad ma thag pa de nyid dang 'dra la/ brtul zhugs dang slob dpon gyi dbang gi bar du lo zlas chod pa srid pa de'i tshe na/ slob ma dbang stegs la bzhag rjes su slob dpon gyi dbang gi yan lag tu rig pa'i dbang lnga rgyas par bskur ba sngon du btang nas/ dam tshig gsum ster dgos pa ni rtsod med du grub pa de'i tshe/ dbang rdzas la dag pa bzhi lhun gyis grub pa'o/ /'o na dbang phyi ma gnyis kyi dbang rdzas la yongs dag bzhi mi dgos so snyam pa'i dogs pa 'di su zhig la skye/ mi skye na/ rje btsun gyis dogs pa de sel bar mdzad pa ci zhe na/ slob dpon gyi dbang la