[A:29a]dogs pa de lta bu skye ba dang sel ba ni bshad ma thag pa de nyid yin la/ brtul zhugs kyi tshe/ rdo rje'i dbang ni gong du zin la/ 'dir rdo rje ster ba ni gzhan zhig go snyam pa'i dogs pa sel ba la/ gong du slob ma la dbang bskur byas zin pa'i rdo rje slob ma'i lag na yod bzhin pa de slob dpon gyis blangs te ting nge 'dzin gyis byin gyis brlabs nas/ slob ma'i sems gyis dri ma sel bar byed do/ /skabs 'dir khyed kyis ni/ rje btsun gyi lam dus kyi yi ges/ rtse mo'i dbang gi chu bo rnam pa gnyis legs par bkag ces par song ngo / /dpyod ldan la la'i 'bel gtam gyis/ /'ga' zhig mun par byed mod kyang / /phye ma leb kyi gshog rtse yis/ /ri rab bsgul bar nus ma yin/ /rgol ba drug pa ni/ lus dkyil 'byung khung med pa dang / /zhes pa de'i rgyas bshad du/ kha cig na re/ lus dkyil gyi pho brang lnga'i a~M la sogs pa'i yi ge rnams/ lha rin 'byung la sogs pa'i sa bon du bzhag nas bskyed par byed pa mi 'thad de/ de lta na bcos ma'i dkyil 'khor du thal ba'i phyir dang / ha~M dang hU~M lta bu mgo thur bstan du mi rung ba'i phyir/ zhes bkag nas/ ngag 'don gyi tshe a~M rin chen 'byung ldan zhes sogs sbyar nas 'byung khungs kyi tshig mtha' dag med par byed do/ /'di mi 'thad de/ rje btsun rtse mos lus dkyil lung dang sbyar ba'i le'u gnyis pa nas/ bhru~M la sogs pa ni pho brang lnga'i lha rnams kyi sa bon te zhes gsal bar gsungs pa dang / gzhung bshad mtha' dag gi grangs bgrangs nas 'byung khungs kyi tshig yod