[A:29b]par bshad pa dang / khyad par du dpe mdzod ma dang / sga theng ma gnyis su/ rtsa nang gi khams las yab dang / phyi shun gyi rtsa las yum bskyed par bshad do zhes zer/ lan la gnyis te/ nges don la go ba ma chags na/ phyogs gnyis ka nges med du bstan/ nges don gyi go ba zur tsam bstan pa'o/ /dang po ni/ las nyon gyi rnam smin du gyur pa'i rtsa khams nyid sangs rgyas yab yum du 'chad pa'am/ rtsa khams nyid lha zhal phyag gi rnam pa can/ rdzas gzhan mang po bsgrub pa'i gzhir 'dod kyang rung ste/ phyogs gnyis kas ngos ma zin pa'i phyir 'dam kha med do/ /ji ltar zhe na/ las nyon gyi rnam par smin pa ni/ rang bzhin rnam dag gi sangs rgyas dang / glo bur rnam dag gi sangs rgyas gnyis po gang gi yang ngo bo nyid du dbang po che sus kyang bsgrub mi nus pa dang / bskyed rim dang rdzogs rim gyi lha gang yin yang 'dra ste/ bsgrub gzhi zhig las bsgrub dgos na de'i mthar thug gi rtsa ba gzhi dus kyi ye shes nyid la thug dgos pa'i phyir/ gnyis pa ni/ lus rtsa dang / rtsa yi ge dang / khams bdud rtsi dang / snying po ye shes rlung ste/ dkyil 'khor bzhi po la sangs rgyas kyi sku bzhi po rang bzhin lhun grub tu gnas pa dang / yon tan gnas gyur du byung ba gnyis gnyis su dbye dgos pa ni/ ji skad du/ rang bzhin rgyu la bsam na lhun grub ste/ /mtha' yas yon tan tshogs rnams gnas gyur yin/ /zhes so/ /de'i phyir lus dbyibs kyi dkyil 'khor dang / de'i chos nyid sprul sku rang bzhin lhun grub dang / de bzhin du rtsa yi ge dang / de'i chos nyid longs sku rang