[A:30a]bzhin lhun grub ste/ gzhan gnyis la yang de bzhin du sbyar bas chos can dkyil 'khor bzhi po grub tsam nas/ de'i chos nyid bzhi po dang / ngo bo tha dad dbyer yod pa ma yin te/ bum pa rdzas tha dad par snang ba bzhi dang / de'i go sa na yod pa'i nam mkha' dbyer med pa bzhin dang / ji srid bum pa lta bu'i sgrib thogs ma gsal ba de srid du/ de'i nang gi nam mkha' gzugs can gzhan gyi go skabs mi 'byed pa de bzhin du/ ji srid shes rab kyi dbang pos rnam smin gyi lus rtsa dang / de'i chos nyid sprul sku rang bzhin lhun grub go sa tha mi dad du gnas pa la/ de ltar gnas pa rang nyid du bla mas brda sprad nas shes pa'i tshe ni lus dkyil ngo 'phrod pa zhes bya la/ de'i 'og tu shes rab kyi dbang pos rnam smin gyi lus la sogs pa'i sgrib thogs bsal nas/ sprul sku rang bzhin lhun grub nyi ma lta bur yon tan gyi tshogs mngon du gyur pa de la ni gnas gyur pa zhes bya'o/ /de lta yin pa de'i phyir/ rang bzhin rnam dag la bsam na 'byung khungs kyi tshig mi dgos la/ glo bur rnam dag la bsam na/ 'byung khungs kyi tshig yod par byed do/ /de yang ngag tu brjod na/ rang bzhin rnam dag gi rin 'byung zhal phyag gi rnam pa can ma yin pa ni rtsa yig a~M gi rnam par gnas so/ /rin 'byung zhal phyag gi rnam pa can ni a~M yig las byung ngo / /zhes khas len par bya zhing de bzhin du nga rgyal dang tshor ba'i phung po rnam par dag ces pa de la'ang rang bzhin rnam dag dang / glo bur rnam dag gnyis las/ las dang po pas lus dkyil gsal 'debs pa'i tshe ni snga ma