[A:30b]dbang btsan la/ dbang gi rtogs pa brjod pa'i tshe ni phyi ma dbang btsan no/ /char med sprin tshogs dang mtshungs pa'i/ /brgal lan mang po des ci bya/ /nges don nyi ma gcig shar bas/ /cal col mun pa'i tshogs las grol/ /rgol ba bdun pa ni/ rgyas gdab rigs mtshon med pa dang / /zhes dang / de'i rgyas bshad du yang kha cig rgyas gdab kyi skabs su/ sambu Ti las/ rdo rje sems dpa' zhes byar bshad/ /bde ba dam pa ru ni brjod/ /ces pa 'khor lo drug tu 'dod pa rnams kyi lugs la spyi gtsug gi 'khor lo rdo rje sems dpa' bsgom pa la 'bru mnan pas chog mod/ man ngag 'di pa'i lugs la rgyas 'debs kyi lha bstan pa min zhing / de dang mthun par slob dpon dgra las rnam rgyal gyis phyag rgya bzhi'i rgyas 'debs las/ kun gyi dbang bskur gnas su ni/ /rdo rje sems dpa' zla ba'i mdog /ces bshad pas lus dkyil gyi lha la rdo rje sems dpa'i rgyas 'debs rgyud dang rgya gar ba'i dgongs pa yin par gsal lo/ /zhes zer zhing / ngag 'don gyi skabs su lus dkyil gyi lha thams cad la rdo rje sems dpa'i dbu brgyan zhes zer ro/ /de la sambu Ti'i lung de'i rigs bdag gi rgyas gdab ston par gang las bshad/ gnad kyi gsal byed las ni/ gsang ba la ni sa'i khams zhes pa nas brtsams te/ chos kyi skur ni rab tu grags/ /zhes pa'i bar gyis rang byung gi ye shes kyi mtshan nyid ston pa las/ de la rgyas par bstan pa dang / bsdus te bstan pa dang / shin tu bsdus te bstan pa'o/ /dang po la gsum/ rten zhu ba 'byung ba lngar