[A:3a]ma'i rnam gzhag bshad tsam gyis/ /dbang bskur sngon du 'gro dgos na/ /bla mar mchod brjod byas pa yi/ /gzhung lugs kun la der thal lo/ /de ltar gzhung gi go rim bzhin/ /gang zag gcig nyid dkri ba yi/ /khrid 'chad tshe na rgyu dus kyi/ /dbang bskur gang du bshad pa der/ /mdzad pas go rim 'khrug 'gyur na/ /'og tu bshad pa thams cad kyi/ /gong du bshad pa smos ci dgos/ /nyams snang rgyas par bshad zin pa'i/ /'og tu bshad pas 'khrug 'gyur na/ /rdo rje'i tshig rkang de nyid kyi/ /shes byed de phyir der 'gyur ro/ /des na gzhung tshogs ji snyed kyi/ /las dang po zhig dkri ba'i tshe/ /nyams la spro ba skyes mdzad kyi/ /khrid kyi tshul du der mi 'chad/ /'on kyang snang gsum gzhung tsam gyis/ /lam 'bras rdzogs par khrid nus pa'i/ /gang zag 'ga' la snang