[A:3b]gsum gyi/ /skabs su dbang bskur don gyis thob/ /ci phyir zhe na nyams bco lnga/ /khrid kyi tshul du 'chad dgos shing / /bde bar gshegs pa'i bshad pa yang / /rang byin brlabs par 'chad phyir ro/ /'di yang bshad pa tsam yin gyi/ /lag len khrid kyi tshul du ni/ /sus kyang bshad pa med pa'i phyir/ /dper na snang gsum khrid bor nas/ /rgyud gsum nyid nas bstan chog pa'i/ /ring zhig bshad kyang lag len du/ /byas na rang bzor 'gyur ba bzhin/ /sems bskyed khrid rnams rdzogs pa'i 'og /smon 'jug blangs pas dkrugs 'gyur na/ /byang chub sems dpa'i spyod pa la/ /'jug pa'i gzhung gis kyang der 'gyur/ /don dam byang chub sems bsgom pa/ /sngar lugs yin phyir dbang dgos na/ /sngags las bshad pa'i don dam sems/ /mdo sde rgyan sogs las kyang 'byung / /la la ngo bo nyid med smra'i/ /don dam byang sems 'dir bsgom zer/ /lugs de'i stong pa nyid la ni/ /don dam byang sems su mi 'chad/ /gzhan du rgyu dus dbang bskur gyi/ /thog mar 'khor 'das dbyer med bshad/ /rjes su bshad pas dkrugs 'gyur na/ /rgyud las kyang ni der thal te/ /dbang bskur nas ni de nyid bshad/ /ces dang phyi nas bshad par bya/ /zhes dang rje btsun nyid kyis kyang / /de ltar bshad pa yin phyir ro/ /chos rje bla mas lam dus kyi/ /rjes la 'khor 'das dbyer med bshad/ /rgyu dus gnyis kyi bar mtshams su/ /khyed kyi 'chad pas dkrugs she na/ /dbang bzhi po dang rim gnyis dang / /rgyu lam 'bras bu thams cad la/ /dbyer med