[A:39a]mthun pa'i skyon de sel ba la da dung 'bad rtsol bya dgos par snang ba'i phyir ro/ /de la rjes bzung mi byed na/ sta gon gyi grangs nges rjes bzung la ltos par 'gal te/ rjes bzung la med pa'i slob ma zhig sta gon la 'dug pas so/ /kho bo cag ni spyi rgyud kyi tshigs bcad dang po'i don slob ma 'ga' zhig tshe'i dus byas nas med pa lta bu la de'i gzugs brnyan byas nas rnam shes bkug ste sta gon sogs bya ba dang / tshigs bcad phyi mas slob ma kha cig rkyen dgos kyi dbang gis ma sleb pa lta bu la dbang bskur ba snod du rung ba'i slob ma gzhan skyin por bcug ste sta gon dang dbang bskur sogs byas chog pa'i don du 'chad pas/ slob ma rjes 'dzin gyi cho ga ma byas kyang dbang bskur byar rung ba'i dmigs bsal gyi lung du 'chad do/ /spyir yang gzugs brnyan de la rjes 'dzin nges par bya dgos par 'dod na ni shin tu mi 'thad de/ rje btsun gyi gzhan phan bdud rtsi las/ dbang bskur te sdig pa sbyangs pa'i tshul rgyas 'bring bsdus gsum bshad pa'i gsum ka la'ang / gshin po de la slob ma rjes 'dzin bya dgos par ma bshad pas so/ /rigs pa ni rdo rje slob dpon gyi dbang rnams slob ma re re nas byed pa de'i tshe na'ang maNDal 'bul ba dang gsol ba gdab pa sogs slob ma ji tsam yod pa de thams cad cig car byar rung bar bshad pa'i rigs pas/ dbang bskur la grangs nges yod kyang rjes 'dzin gyi tshad de ma byas pa la nyes pa med pa legs par shes pa yin te/ rjes bzung gi don slob mas gsol ba 'debs pa dang / bla mas dbang bskur bar khas