[A:39b]len pa la gtso bor 'dod dgos par sambu Ti'i lung des shes pas so/ /gzhan du na/ khyed rang la slob ma re re nas rjes bzung dang sta gon bya dgos par 'gyur te/ dbang gi gtso bo rdo rje slob dpon gyi dbang slob ma re re nas bskur dgos pa'ang gang zhig dbang bskur gyi slob ma'i grangs nges sta gon dang de'i grangs nges rjes bzung la ltos dgos par khas blangs pa'i phyir ro/ /spyi rgyud las slob ma grangs nges su bshad pa ni/ dngos bstan slob ma sta gon nyid la dgongs par mngon te gzhung gi sa mtshams slob ma sta gon gyi skabs su 'byung ba dang / nyer lnga las lhag pa cig car du bzung na cho ga yongs su rdzogs pa mtshan mo gcig la tshar mi nus par bshad pa'i rigs pas so/ /rjes 'dzin ni mtshan mo bya dgos pa'i dmigs bsal med la/ yod kyang mtshan mo gcig la mi tshar ba'i dogs pa skye don med pa'i phyir ro/ /sta gon la ni mi mtshungs te/ slob ma sta gon gyi cho ga'i mgo nyi ma'i 'od zer nub pa nas brtsams te mtshan phyed tshun la tshar dgos pa yin te/ de phyir khyed rnams theg chen du/ /sang ni rab tu skye bar 'gyur/ /zhes pa'i tshig bshad du yod dgos pa dang / rmi lam brtag dgos pa'i phyir ro/ /de ltar bshad pa de dag gis ni rgol bas rjes 'dzin la grangs nges kyi tshul khyab mtha' bzung ba de mi 'thad pa nyid du legs par shes pa yin la/ kho bo cag gi rang lugs ni/ 'phags pa rin po ches rtsa rgyud kyi TI kar spyi rgyud kyi dgongs pas grangs nges yod pa dang / rnam snang mngon byang gi dgongs pas grangs nges med pa gnyis char slob ma