[A:43b]dang / rin 'byung cod pan gyi dbang man chad kyi mtha' rten chu dbang re la'ang bum pa la bskyed chog re bya dgos par 'gyur te/ cho ga tshar re dang de'i byed las re 'brel dgos pa'i phyir/ gal te sngar bum pa sta gon dang chu dbang gi tshe bsgrubs zin pas mi dgos so snyam na/ 'o na rig pa de sta gon la ci'i phyir mi mtshungs/ de la dngos gzhi'i sgrub mchod kyis mtshungs par byed pa ni blun pa'i rigs pa ste/ de gnyis mi mtshungs pa'i phyir/ ji ltar mi mtshungs snyam na/ slob ma dbang bskur dang rang nyid bdag 'jug len pa gnyis ka la/ gang las dbang blangs pa'i yul dkyil 'khor tshul bzhin du bsgrub dgos la/ de lta bu'i dkyil 'khor bsgrub pa dang / bdag 'jug len pa dang / slob ma dbang bskur ba gsum cho ga rigs mi mthun gzhan gyi bar ma chod par 'brel chags su dgos pas so/ /de sta gon la yang mtshungs so zhe na/ lha sta gon dang dngos gzhi sgrub mchod gnyis kyi bar du lha'i rnal 'byor gzhan dang cho ga gzhan sbyar mi rung bar khyed khas longs shig rdul tshon gyi dkyil 'khor gcig tu sta gon gcig las med pas dbang bskur tshar gcig las mi rung na/ rje btsun chen po'i gzhan phan bdud rtsi las/ mdor na sta gon nub gcig dngos gzhi nub drug la lhag ma gshegs pas nub bdun du 'gro bas bdun tshigs zhes bya ba yin te zhes bshad pa 'di shin tu mi rigs pa 'gyur te/ dngos gzhi tshar drug la sta gon tshar gcig las mi 'dug pa'i phyir sa skya pa phyogs med du 'gegs par gyis shig yang sta gon snga ma rnams bskyar nas byed