[A:44a]na/ dkyil 'khor bsgrubs zin/ sta gon ji ltar byed ces pa'i dkyil 'khor bsgrubs pa de ci/ dngos gzhi sgrub mchod/ dkyil 'khor bris pa gang la byed/ dang po ltar na sta gon de la ltos pa'i dkyil 'khor bsgrubs zin pa brgya byin gyis kyang bsgrub par mi nus la/ phyi ma ltar na ras bris kyi phyogs la sta gon byar mi rung bar 'gyur te/ sta gon de'i sngon du ras bris de bris zin pa'i phyir dang / dkyil 'khor bris zin nas sta gon ji ltar byed ces smras na chos dang mthun pa'i lan mi 'dug pa'i phyir ro/ /gnyis pa la gsum ste/ rgol ba'i bsam pa blang ba/ rang lugs nyes med du bsgrub pa/ rgol ba po nyes pa can du bstan pa'o/ /dang po ni/ khyed ltar na rjes bzung gi dus kyi slob ma nyer lnga po de dag gi don du bzhengs pa'i dkyil 'khor der slob ma nyer lnga po de las gzhan pa smin byed du mi rung ste/ nyer lnga las gzhan pa'i slob ma rnams dang dkyil 'khor de la 'brel pa med pa'i phyir dang / dngos gzhi phyi ma rnams la sta gon med pa'i phyir snyam du sems pa'o/ /gnyis pa ni/ de 'dra dpyod ldan la skye srid pa'i dogs pa ma yin te/ nyes pa de dag sel byed lhun gyis grub pa ni snang ba gsum gyis dkris zin pa'i slob ma brgya phrag gi grangs las brgal ba de dag la grangs med par rjes bzung tshul bzhin du byar rung bar grub cing / de ltar rjes su bzung ba'i slob ma de dag gi don du bzhengs pa'i dkyil 'khor de dang slob ma'i tshogs de dag shin tu 'brel ba'i phyir dang / sa lha sta gon lha sta gon byas pa'i skabs kyi don ni/ sa phyogs