[A:44b]der dkyil 'khor bzhengs du rung ba'i phyir dang / slob ma'i ched du dkyil 'khor bris te gzhan don bya ba'i gnang ba zhu ba dang byin gyis rlobs pa'i ched yin la/ de tsam gyi skabs don sta gon gcig pu des grub zin pa'i phyir dang / bum pa sta gon dang / slob ma sta gon yang ji tsam skabs su babs pa de'i tshe byas pas dbang bskur zhu ba po'i slob ma ji snyed pa de dag la dbang gi mngon par rtogs pa brgyad char tshang bas smin byed du mi rung ba'i dogs pa skye don med la/ dkyil 'khor gcig tu smin byed kyi dbang gcig las mi rung zhes smra ba'i sa skya pa'i srol 'dzin de su zhig ces dris na tshad ldan gyi khung yod pa min la/ dad pa'i rjes su 'brangs ba 'ga' zung yod srid kyang de 'dra smra ba po khyod rang dang bcas pa thams cad smin byed kyi dbang gcig las med par bshad pas mgo rmongs nas gang zag gcig la smin byed gcig la smin byed gcig las med par bshad pa de dkyil 'khor gcig tu smin byed tshar gcig las mi rung bar go 'dug pa'i phyir ches blun pa yin no/ /rnam par spros pas chog go /gsum pa ni/ khyod kyi grub mtha' de ltar na rdul tshon gyi dkyil 'khor gcig tu smin byed kyi dbang gcig las mi rung ba ma zad/ smin byed ma yin pa'i dbang dang / sgrub mchod kyang nyin zhag du ma sbrel nas byar mi rung bar 'gyur te/ sgrub mchod phyi ma rnams la sta gon gyi 'brel pa med pa'i phyir ro/ /gal te snying phod bskyed nas de yang 'dod do zhe na/ drangs ma thag pa'i gzhan phan bdud rtsi'i lung de dran pa byos la mang du ma smra shig gzhan yang ding sang gi rdo rje slob dpon