[A:47b]thun mong gi mngon par rtogs pa dag nyams su len pa dang / mi len pa ci rigs su yod kyang blang du ni thams cad du rung bar bshad pa'i phyir ro/ /gzhan du na dbang gong ma gsum ma thob pa'i gang zag des rdzogs rim dang 'brel ba'i nyams len rnams ji ltar nyams su len du rung soms shig bde mchog la sogs pa'i bla med spyi la ni des khyab pa yin te/ yo ga dang sgo bstun nas dam tshig gsum sbyin pa rdo rje slob dpon gyi dbang du bshad pas so/ /de la dgongs nas rje sa chen gyi bde mchog gi dkyil chog las/ brtul zhugs kyi dbang song nas slob ma'i rigs can rnams bkye ste/ slob dpon gyi 'os su gyur pa zhig la dam tshig gsum mtha' brten dang bcas pa sbyin nas/ slar thams cad la dbang gong ma gsum bskur ba'am/ yang na brtul zhugs kyi rjes la slob ma thams cad la thun mong du dbang gong ma gsum bskur nas/ phyis slob dpon gyi 'os su gyur pa de la dam tshig gsum 'khor dang bcas pa bskur bar gsungs pas so/ /des na rgol ba'i lag len de ni bde kyai gnyis kyi lag len so sor ma phyed cing / dbang chu gnyis kyi bskur tshul gang du yang rtogs pa ma yin pas dka' gnas che la dgos pa chung ba byis pa chung ngu'i mkhar las dang mtshungs pa yin no/ /nub gcig la dbang bzhi rdzogs par bskur ba la slob ma re re nas bskur ba dang / cig car du bskur ba'i lugs gnyis ka yod pa ni drangs ma thag pa'i man ngag lugs kyi dbang chu'i lung de'i dngos shugs kyi bstan pa yin no/ /gnyis pa ni/ rgol ba khyod kyi lugs la dngos gzhi