[A:47a]yin te/ dngos bstan de ni dbang rim can pa'i dbang du byas nas gsungs pa'i phyir ro/ /gsum pa la gnyis te/ rgol ba'i lag len de lung dang mi mthun pa dang / rigs pa dang 'gal ba'o/ /dang po ni/ khyed kyis kho bo cag gi lag len de dbang chu'i dngos bstan dang ma mthun par shes nas slob dpon gyi dbang re re nas bskur ba grub mtha' dang lag len la byed pa ngo mtshar che mod/ dbang chu gnyis kyi dngos bstan gyi bshad tshul de ltar byed pa de'i tshe/ bka' srol 'di nyid kyi lugs la dbang gong ma gsum yang slob ma re re nas bskur dgos kyi/ dus cig car du bskur bar bya ba ma yin te/ slob dpon rin po che'i 'grel pa lugs kyi dkyil chog las/ slob ma re re la dbang bzhi cig car ram/ rim can du bskur bar bya ba yin pas so zhes dang / man ngag gi lugs kyi dbang chu las/ de la rab mtshan gcig dbang bzhi po 'di rdzogs par bskur na dbang gi mtha' rten yang tha dad du byed do/ /de yang bum dbang gi mtha' rten rjes gnang / gsang dbang gi lung bstan/ shes rab ye shes kyi dbugs dbyung / dbang bzhi pa'i mtha' rten gzengs bstod do/ /de dag kyang slob ma re re nas rdzogs par bskur ba'i lugs yin no zhes bshad pa'i phyir ro/ /mdor na bka' srol 'di gnyis kyi lugs la rdo rje slob dpon gyi dbang zhes pa dbang gong ma gsum dam tshig gsum sbyin pa dang bcas pa ste bzhi char la ngos 'dzin dgos pa yin te/ ljon shing las/ rdo rje slob dpon gyi dbang rdzogs par thob pa'i gang zag des mchog