[A:52a]la lha sta gon dang 'brel ba med ces pa dang / lha sta gon zhig bskyar nas byed na slob ma sta gon 'brel pa srid kyang de med ces pa dang / snga ma gnas pas bskyar mi dgos na ha cang thal ches pa rnams su song bas/ dang po la 'o na slob ma nyer lnga po re re la sta gon re re te nyer lnga yod pas lha sta gon yang nyer lnga yod dgos par 'gyur/ de mi dgos na 'brel zla dang 'brel yul grangs mnyam dgos pa dang 'gal lo/ /sta gon snga ma gnas pa de la rting ma bskyar dgos sam mi dgos/ dgos na slob ma sta gon rting ma de lha sta gon rting ma dang 'brel bas sta gon 'brel pa yod par 'gyur/ bskyar mi dgos na sgrub mchod phyi ma rnams kyang bskyar mi dgos par 'gyur te snga ma gnas pa'i phyir ro/ /des na dngos lan ni/ dbang tshar rting ma rnams byed pa'i tshe lha sta gon gnas pas bskyar mi dgos shing / dgos kyang skyor thabs med pa ma yin te/ sgrub mchod dang po'i dus su sta gon gyi lha nam mkhar bteg pa de ji srid kyi bar nam mkhar bzhag nas skabs su babs pa re re'i tshe mar me gcig las gnyis mched kyi tshul du dkyil 'khor la bcug chog pa'i phyir/ gzhan du na rang bzhin gyi gnas nas 'dir spyan drangs pa'i tshe gnas de na lha med par 'gyur ro gsungs/ gnyis pa zhe 'dod dgongs pa'i lan dpyis phyin pa la rgol ba po'i bsam pa blangs nas nyes pa de rang la med cing gzhan la yod pa dang / rgol ba po nyes pa dang bcas par bstan pa dag tu mdzad nas/ dang po la/ rgol ba po ltar na slob ma rjes 'dzin nyer lnga la byas pa de dag