[A:52b]gi don du bzhengs pa'i dkyil 'khor de dang / dbang tshar rting ma bskur rgyu'i slob ma rnams la 'brel pa med pas dbang rting ma mi rung zer rgyur snang ba/ snang gsum gyi khrid zin pa'i slob ma mang po la grangs nges med par rjes bzung byed pa grub cing / ma byas na nyes pa chen po yod pas de ltar rjes bzung byas pa de dang / de dag gi don du bzhengs pa'i rdul tshon gyi dkyil 'khor shin tu 'brel/ sta gon bzhi po'ang go rim ji lta ba bzhin du 'brel bas/ rdul tshon gyi dkyil 'khor gcig pu de slob ma ji tsam pa thams cad smin byed kyi dkyil 'khor du rung ba yin no zhes pa dang / rgol ba po nyes pa can du bstan pa la khas blangs 'gal ba dang / nyes pa chen po gzhan gyis gnod pa gnyis su mdzad nas/ dang po la dbang tshar dang po byas zin pa'i rdul tshon gyi dkyil 'khor la sta gon bskyar ma dang / sgrub mchod bskyar na sta gon 'brel ba yod par 'dod pa dang / dbang tshar rting ma mi rung bar khas len pa 'gal bar gsungs/ nyes pa chen po gzhan gyis gnod pa la rdul tshon la dbang tshar gcig las mi rung na ras bris la'ang mi rung bar 'gyur/ ras bris smin byed ma yin pa la de ltar rung ba dang / gzhan du spyan 'dren du btub pas de gnyis mi mtshungs she na/ rdul tshon la'ang smin byed ma yin pa la de ltar rung zhing / de ring gi rdul tshon mi dmigs par byas rjes sang gi rdul tshon la de ltar rung bar 'gyur ro/ mdor na rdul tshon dang ras bris gang yin kyang rung / slob ma smin byed du rung mi rung ni slob ma dang dkyil 'khor de la 'brel pa yod med la thug de'ang dbang