[A:59a]pas rdul tshon gyi dkyil 'khor gcig tu smin byed kyi dbang mang po mi rung ba'i don med ces par snang zhing phyag len kyang mdzad pa 'di yin la/ rang gi bsam tshod ni slob ma smin byed la phyag len dog pa dang cho ga rgyas pa'i dbang du byas na dbang re la dbang gi mngon par rtogs pa brgyad car tshang ba re thub na shin tu legs te de dag smin byed la dgos pa'i cho ga yongs su rdzogs pa gcig yin pas so/ /ci ste dbang re la cho ga brgyad po de yongs rdzogs re byas nas bskur ba dang / sta gon sogs sngon du byas pa'i de dag gis go chod par byas/ slar dkyil 'khor sgrub pa man chad tsam re byas nas dbang bskur ba gnyis la phan yon gyi khyad par gang yang med na/ deng sang gi rdo rje slob dpon phrin las shin tu che ba rnams kyis sku tshe'i stod la lha sta gon sogs lan gcig byas te sku tshe hril po'i sta gon go chod par byas nas slar dngos gzhi sgrub mchod nas bzung ste cho ga dag byas te dbang bskur bya rigs par 'gyur zhes rdzong lugs pa dag gsung ba 'di'ang cung zad 'jug par snang ste phan yon nam dgos nus lhag po med pa mnyam po la cig shos cho ga zor yang bas so/ /yang phyag len yangs phyogs dang cho ga zor yang pa'i dbang du byas na slob ma mang po la dbang bskur byed pa'i tshe bsnyen pa kha gso dang rjes bzung sa chog sogs sngon du song pa'am ma song yang rung / nub dang po la bdag bskyed zin nas sa lha sogs sta gon gsum byas/ de nyid dang 'brel bar slob ma nyer lnga la sta gon byas/ sang nyin rdul tshon gyi dkyil 'khor bris te sgrub cing