[A:58b]bar bya ste de'i cho ga ni zhes gsungs na/ rab gnas sbyin sreg sogs dang dkyil 'khor nub gsum pa sogs kyi 'jug pa ma shar bar/ rang nyid sgrub mchod bdag 'jug dbang bskur ba gsum bar ma chad par byas pa blo yul du bzhag nas/ dbang chu chen mo tshar gcig kyang ma bklags par sa skya pa'i bstan 'dzin du khas blangs te 'chad rtsod rtsom gsum gyi khur 'khur ba ngo mtshar che'o/ /des na rje ngor chen nyid ni las rgyu 'bras la shin tu brtsi bar grags na 'di lta bu'i rtsing chos la grub mthar byas nas bla ma mkhas pa'i phyag len mthong brgyud du smra zhing yi ge ris su bris pa 'dis rje btsun sa skya pa'i bstan pa 'jig cing dad ldan mang po bslu ba dang ngor pa chen po'i zhabs ri rtse nas drangs pa kho bos mthong ngo zhes gsungs so/ /de ltar ngor rdzong gnyis kyi bzhed pa mi 'dra ba de dag las rdzong lugs kyi dgongs pa'i snying po slob ma sta gon sta gon gzhan gsum dang 'brel chags su ma byung na slob ma sta gon gyi cho ga de cho ga rnam dag tu mi 'gyur zhing / slob ma sta gon rnam dag ma byas pa la dngos gzhi bskur du mi rung la/ rdul tshon gyi dkyil 'khor gcig tu lha sta gon tshar gcig las med cing / gcig pu de dang tshar rting ma'i slob ma sta gon 'brel chags su ma byung bas dbang yang tshar gcig las mi rung ba yin zhes pa dang / ngor pa'i bzhed pa ni lha sta gon byas pa'i dgos pa gzhan don byed par gnang ba zhu ba yin pas de nyid ni lha sta gon gcig pu des grub pas/ lha sta gon gcig pu de dang slob ma sta gon nges par 'brel chags su dgos pa'i tshad ldan gyi lung med