[A:59b]mchod pa byas te sngon du sta gon grub pa rnams la dbang bskur/ gzhan slob ma nyer lnga pa zhig sta gon byed pa sogs slob ma ji tsam yod pa ma rdzogs kyi bar du dngos gzhi re dang / slob ma sta gon re spel nas byas pas mi rung ba ma yin te/ lha sta gon sogs kyi dgos pa de dag sta gon gcig pu des grub pas gzhan dgos pa lhag po med cing / dbang re la lha sta gon re nges par dgos pa'i dmigs bsal yang med la/ des na spyir btang smin byed re la cho ga brgyad car tshang ba zhig byung na legs pa yin kyang / dmigs bsal rjes bzung ma byas pa'i slob ma la slob ma sta gon dang dbang bskur chog pa ni/ slob ma yongs su bzung ba gang / /sta gon gnas tshe med na ni/ /zhes sogs kyis bstan pa'i de dang 'dra bas so/ /slob ma sta gon la ni mi mtshungs te slob ma sta gon la med pa la dbang gi dngos gzhi mi bya bar dmigs bsal du gsungs pa'i phyir ro/ /ji ltar zhe na/ sta gon gnas par byas pa la/ /gal te 'ong bar ma gyur na/ /bla ma blo ldan mkhas pa yis/ /der ni slob ma gzhan mi bzung / /zhes pa 'dis so/ /rgyu mtshan des na spyir gsung rab 'chad pa dang / lag len cho ga'i rnam gzhag sogs la spyir btang re dang / dmigs bsal gyi rnam dbye re mchog tu gces te/ mkhyen rab dbang phyug sa skya paNDi tas/ spyir btang ba la dmigs kyi bsal/ /bstan bcos kun la mkho ba yin/ /zhes gsungs pas so/ /de ltar gnyis kyi nang nas spyir btang de bya ba'i nus pa yod bzhin du dmigs bsal de byar mi rung / spyir btang de bya mi nus pa la