[A:60a]dmigs bsal de byas pas phan yon chen po yod na dmigs bsal de nges par bya rigs te/ chos rjes/ dgag bya dang ni dgos pa gnyis/ /gtso bo gang che'i lugs su thongs/ /zhes gsungs pas so/ des na slob ma brgya stong las brgal ba sogs rab tu mang po dag tshogs pa'i tshe ngor pa'i phyag len 'di ma mdzad par slob ma nyer lnga pa re la cho ga yongs su rdzogs pa re re smin byed tshar re la sbyar nas byas na lo dang zla ba sogs yun ring po'i bar mi rdzogs shing / de ma rdzogs na slob ma rjes ma rnams la dbang bskur ba'i sngon la tshe'i bar chad dang / gzhan yang rkyen 'ga' zhig gis phyogs gzhan du 'gro dgos pa sogs dbang thob pa'i gegs su 'gyur ba sogs yod pas na sta gon 'brel pa med pa'i dgag bya las dgos pa de gtso che bas so snyam la/ gzhan yang ngor rdzong gi mkhas pa de dag gi gsung la rnam dbye phye rgyu 'ga' re snang zhing / khyad par thams cad mkhyen pa dkon mchog lhun grub kyis bsgrub cing mchod pa dang / bdag nyid 'jug pa dang / slob ma la dbang bskur ba gsum la cho ga rigs mi mthun gzhan gyis bar ma chod pa dgos gsungs pa la/ sgyi chu ba buddha shrI'i dbang chu chen mo'i lung drangs nas de dang 'gal gsungs kyang / rgyas pa'i sbyin sreg dang rab gnas sogs skabs der byed na kye rdor la ma brten pa ni mi rung la/ kye rdor la brten pa ni kye rdor gyi dkyil 'khor sgrub mchod kyi cho ga dang rigs mthun yin zhing / khyad par rab gnas bzang po drug pa ni kye rdor gyi rgyud kyi bshad tshul rang yin par gsungs