[A:60b]pas/ cho ga rigs mi mthun yin pa'i dogs pa tsam yang med pas thams cad mkhyen pa dkon mchog lhun grub kyi gsung de dbang chu chen mo dang 'gal ba'i dogs pa cung zad kyang dgos pa ma yin no/
/yang sgyi chu ba buddha shrI'i rdul tshon kho na smin byed du 'dod pa'i grub mtha' 'di dang zhes sogs gsungs kyang / ngor lugs la rdul tshon gyi dkyil 'khor kho na smin byed kyi dkyil 'khor du mi bzhed pa'i phyir na skyon de mi 'jug la/ 'on kyang ngor lugs la gtso bor smin byed kyi dkyil 'khor rdul tshon la bzhed par snang ba ni rje btsun gong ma'i dgongs pa ste/ de la'ang las dang po pa ma smin pa smin par byed pa la rdul tshon nyid legs pas rgyud sde thams cad las 'di nyid gtso bor gsungs la/ de la dgongs nas bdag nyid chen pos kyang / deng sang gang zag rab 'bring kun/ /rdul tshon gyi ni dkyil 'khor du/ /dbang bskur bya bar gsung mod kyi/ /gzhan gyi smin byed rgyud las bkag /ces gsungs pa yin no/ /gzhung 'di'i tshig zin tsam la dgongs rtse gtad nas 'brug pa padma dkar pos brtag gnyis 'chad pa rnams la dri ba mdzad pa de'i lan gong dkar ba mkhyen brtse chos mdzad ces pas mdzad pa de la/ slar 'brug pa sprul sku nyid kyis yang lan zhig mdzad 'dug pa'i nang na/ mngon brjod bla ma'i dgongs pa dang / grub thob gong ma'i phyag len la'ang yod 'dug pas mtha' gcig tu mi rung ba ma yin no zhes smras pa/ sdom gsum mdzad pas/ deng sang gang zag rab 'bring kun/ /rdul tshon gyi ni dkyil 'khor du/ /dbang bskur bya bar gsungs mod kyi/ /gzhan gyi