[A:63a]dpon rtse mo'i lugs 'di ha cang mi legs pa ma yin no zhes rdul tshon las ras bris la brten pa 'di cung zad mi legs pa yin par bshad cing / de la khyed rtsi dogs med na'ang / slob dpon dza ya se nas/ rdul tshon bri bar ma nus na/ /dkyil 'khor dang mnyam ras la ni/ /nges par bcom ldan he ru ka /phyag rgya'i tshogs dang bcas pa bri/ /zhes pa 'dis cho ga rgyas par nus na legs pas rdul tshon bya la/ mi nus na ras bris la brten pas kyang rung zhes bstan pa ma yin nam/ de min na 'o na/ rdul tshon bri bar ma nus na/ /zhes pa'i tshig gi nus pa ji ltar 'chad/ de gnyis la khyad par yod na kho bo cag gi lugs la'ang rgyud sde rnams las rdul tshon gtso bor gsungs pas thub na rdul tshon ka legs shing / ras bris su'ang mi rung ba ma yin pas spyir btang dang dmigs bsal du 'chad pa dang mthun par 'byung bas tshul de yang yang smras pa la dgos pa ci yod legs par soms la smros shig de dag ni cung zad 'phros pa'o/ /bzhi pa slob dpon gyi dbang la grangs nges yod med kyi rnam gzhag la rje mus srad pa chen pos chu rgyun bzhi par/ slob dpon grangs nges med pa dang / zhes pa'i rgyas bshad du/ kha cig rdo rje slob dpon gyis dbang gi skabs su slob ma der 'dug pa thams cad la dus gcig tu slob dpon gyi dbang byed pa shin tu mi rigs te/ slob dpon rin po che'i 'grel lugs kyi dbang chu las/ gsol btab kyi rjes su/ de nas slob dpon gyis tshogs pa la dbang bskur bar bya ba yin te/ slob dpon snying rje chen po