[A:65b]gsum mam bzhi yang rung / /bla mas dbang bskur bya ba ni/ /yo byad gsar pa gzhan rnams kyi/ /thams cad so so so sor bya/ /zhes dang / dbang bskur don du dkyil 'khor ni/ /bye ma dkar pos bri bar bya/ /dkyil 'khor dag dang rjes mthun par/ /stegs bu gru bzhi byas nas su/ /de yi dbus su tshon sna lngas/ /padma yongs su rdzogs pa bri/ /zhes sogs gsungs pa'i don/ rje btsun gong ma'i yi ge las 'byung ba'i phyag len dbang stegs kyi dkyil 'khor mtshan nyid tshang ba'i steng du ji skad bshad pa'i yo byad yongs su rdzogs pa'i chig bsgrengs su rdo rje slob dpon gyi dbang bskur ba'i phyag len shin tu rgyas pa'ang byed pas/ khyed kyi padma 'dab brgyad kyi ri mo tsam gyi steng du slob dpon gyi dbang bskur ba la de tsam gyi nga rgyal gyis nyam thag pas ngal ba lhur len par zad do zhes gsungs la/ yang thams cad mkhyen pa dkon mchog lhun grub kyis tshangs pa'i rig sngags su/ rnam dbye spyir bstan pa dang / nges gzung med kyang nyes med du bstan pa/rgol ba po nyid nyes pa chen pos non pa dang don tshan gsum du mdzad nas/ dang po la tshig rigs cung zad ma gtogs gong du bkod pa'i paN chen gyi lan 'debs don tshan dang po ji lta ba bzhin gsungs la/ gnyis pa la spyir dbang bskur tshul la rim gyis pa dang cig car ba gnyis las/ snga ma ni gang zag tha ma gtso bor bzung pa dang / lag len spros pa che ba'i skabs yin pas/ de'i tshe dbang stegs dngos su bris nas der slob ma re re nas bskur ba gtso bor gsungs/ phyi ma la dbang stegs yod med kyi bye brag