[A:68a]bag mdzad dgos pa'i rigs so/ /dbang gong ma gsum yang re re nas bskur dgos zhes dbang chu'i lung 'dren par byed mod/ de ni rig sngags mkhan po nyid rang gzugs ston par mdzad pa'o/ /slob 'khor nyung ba la 'phrin las chung bar byas mod/ kho bo cag gis khas blang bar bya'o zhes gsungs so/ /de ltar ngor rdzong gnyis kyi dgongs pa'i snying po ni rdo rje slob dpon gyi dbang la grangs nges phyag len du mdzad mi mdzad tsam ma gtogs don gyi ngo bo phal cher mthun par byung bas rnam dbye bya rgyu'ang / ngor lugs kyi lan 'debs dag las rdo rje slob dpon gyi dbang la grangs nges dgos pa bshad tshod yin kyang dgag dgos kyi dbang gis grangs nges med par bskur ba la nyes pa chen po med tshul bshad pa de nyid ltar yin no// //lnga pa dbang rdzas la yongs dag yod med kyi rnam gzhag la/ mus srad pa chen pos rnam bshad chu rgyun bzhi par/ dbang rdzas yongs dag yod med dang / /zhes pa 'di/ lus dkyil 'byung khungs med pa dang / /zhes pa'i rjes su 'byung zhing / rgyas bshad kyi skabs su'ang go rim de bzhin du gsungs la/ tshar chen gyi rdo rje'i 'khrul 'khor gyi zegs mar/ rim pa de ltar du lan 'debs mdzad kyang / paN chen rin po che'i rnam thar sgo brgyad par/ go rim de bzlog ste bkod nas/ lan 'debs kyang bzlog pa'i rim pa de bzhin du mdzad cing / de ltar tshangs pa'i rig sngags dang de'i don bsdus don brgyad par yang 'byung la/ tshul de bzhin du mkhan chen bzang bkras pa dang sgyi chu ba'i yang lan rnams su yang