[A:67b]blun po bslu ba de/ /dam pa rnams ni sdom gsum las/ /mdor na chos kyis ci byed soms/ /sangs rgyas byed na chos bzhin gyis/ /gsungs pa'i snying gtam yid la gcags/ /zhes pa dang / slob dpon dbang bskur dbang chu yi/ /dngos bstan yin par gnyis ka mthun/ /dbang chu gnyis dang 'gal ba ci/ /slob dpon dbang ni dus gcig la/ /khas len dgos pa chos grags kyis/ /nan gyis khyod 'di 'dod ces pa/ /gsal bar dbang phyug spyod pa yin/ /ji skad gsungs pa de 'drar shes/ /mdor na tshig rkang gsum po'i don/ /dbang chu'i dngos bstan yin pa la/ /ji skad smras pa'i sun 'byin rnams/ /slob dpon dgag pa kho nar song / /de 'dra ngor pa chen po yang / /bzhed par dka' zhing snyom las can/ /rjes 'brang 'ga' yis brdzun sgrib byas/ /mkhas pas slan chad ma byed cig /ces gsungs shing / yang sgyi chu ba buddha shrI'i nor bu'i phreng bar tshangs pa'i rig sngags kyi bzhed pa rags rim bkod pa'i rjes su/ des ni khyod jo bo bzang ba'i nang du bgrang bar bya ba yin la zhes tshangs pa'i rig sngags las bden lan mdzad pa lta bur gsungs nas/ rnam pa gcig tu na slob dpon rin po ches dbang bskur ba de yang sangs rgyas nas brgyud pa ma chad pa/ sngon gyi las kyi cho ga mthong ba/ cho ga la mkhas pa byin rlabs dang ldan pa sbyang gzhi sbyong byed ngo 'phrod pa/ /cho ga gang byed rdzogs par thob pa byas pa cig dgos kyi/ dbang bskur byas kyang yid brtan mi rung ba/ ci yin gtol med pa/ blun po bslu ba 'dra ba zhes pa ni thugs la 'dzem