[A:70a]mi rigs so/ yang tshar chen chos kyi rgyal po'i rdo rje'i 'khrul 'khor gyi zegs ma las/ 'o na brtul zhugs dang slob dpon gyi dbang rdzas la yan lag bzhi rdzogs kyi bskyed chog dgos par thal/ rje btsun gyis dgos par gsungs pa'i phyir/ 'dod na mi dgos par thal/ rje btsun gyis mi dgos par gsungs pa'i phyir te/ 'di skabs kyi lam dus kyi dbang dang rgyu dus kyi dbang lha dam tshig pa bskyed pa'i rgyas bsdus tsam ma gtogs gzhan khyad par med par gsal bar gsungs pa'i phyir dang / rgyud dus kyi dbang la de ltar mi dgos pa rje btsun rtse mo'i dbang chu dang 'phags pa rin po che'i bdag 'jug gnyis las gsal bar bshad cing / der ma zad gong ma'i yi ge chos rje bla ma/ theg chen chos rje sogs sus kyang khyed 'dod pa ltar gyi bskyed chog ye ma gsungs so/ /des na rje btsun gyis bdag dang dbang rdzas la yan lag bzhi rdzogs kyi bskyed chog dgos par gsungs pa gtso che ba la dgongs pa yin gyis re re nas khyab mtha' 'dzin pa ma yin no/ de yin na ming dbang la dbang rdzas nges par dgos pa dang / deng sang lag len la rdo rje dril bu spyi bor bzung nas ming dbang bskur dus kyang dbang rdzas de la bskyed chog sus kyang mi byed pa sogs la thugs gzhib mdzad pa zhu zhes gsungs la/ mkhas pa'i dbang po dkon mchog lhun grub kyis tshangs pa'i rig sngags su dngos bstan gyi rgol tshul ma shes pas rje btsun la skur pa btab par bstan pa dang / zhe 'dod kyi lan btab ste rgol ba po nyes pa can du bstan pa dang gnyis