[A:69b]rgyas thams cad de/ /zhes sogs kyis ngo sprod la/ /'di ni mdo tsam yin la/ rdor dril gnyis ka'i de nyid gsal po ni slob dpon gyi tshe ston pa de'o/ 'o na bdun ka'i skabs su dbang rdzas dag pa bzhis byin gyis brlabs par bshad pas/ dbang phyi ma gnyis kyi tshe dbang rdzas kyi dag pa bzhi gang zhe na lam dus su ni rdor dril gnyis po de ltar byin gyis brlabs ma thag pa de lha'i bdag nyid la so so'i de nyid tshang bar ngo sprad nas byin pa'i mos pa las 'os med/ rgyu dus su mtshan gcig la bdun ka bskur ba'i tshe gong ma dang 'dra la/ brtul zhugs dang slob dpon gyi bar du lo zlas chod pa'i tshe slob ma dbang stegs la bzhag rjes rig dbang slob dpon dbang gi yan lag tu bskur nas dam tshig gsum ster dgos pas dbang rdzas la yongs dag bzhi grub la/ rje btsun gyis slob dpon gyi dbang rdzas la dag pa bzhi mi dgos sam snyam pa'i dogs pa dang / de sel byed gsungs pa'ang de yin la/ brtul zhugs kyi tshe dogs pa dang de sel byed gsungs pa ni/ rdo rje'i dbang ni gong du zin/ 'dir de ster ba ni gzhan zhig go snyam pa de sel byed du gong gi rdo rje de slob ma'i lag na yod pa slob dpon gyis blangs te byin gyis brlabs nas slob ma'i sems kyi dri ma 'khrud par byed pa'i phyir zhes so/ /khyed kyis ni rje btsun gyi lam dus kyi yi ge des rtse mo'i dbang chu gnyis bkag ces par song zhes gsungs la/ 'di dag ni paN chen gyis gsung mang po rnams ha cang bsdus pa rang ma yin par snying po bkod pa yin pas/ rnam thar sgo brgyad pa'i tshig rigs dang ma mthun no snyam pa bya