[A:70b]su mdzad nas gsungs pa'i don gyi snying po ci longs bgyis nas bkod na/ de'ang don tshan dang po la dbang bdun char gyi dbang rdzas la yongs dag bzhi nges par dgos par rje btsun bzhed na/ mi bskyod pa la yongs dag mdzad nas/ rin 'byung cod pan man chad la mi bskyod pa'i nga rgyal gyis dbang bskur chog pa/ gur gyi/ rdo rje sems dpas dbang bskur bya/ /zhes pa'i don du/ rje btsun nyid kyis bshad pa dang nang 'gal zhing / rtse mo'i dbang chu gnyis char las/ rig pa'i dbang 'di rnams la slob dpon bdag nyid mi bskyod pa'i rnal 'byor kho nas kyang rung ngo zhes pa 'di rje btsun gyi gsung des bkag par khas len dgos pas/ rje btsun nyid nang 'gal gsung ba dang / rtse mo 'gegs pa por sgrub pas rje btsun la skur ba btab par song gsungs la/ don tshan gnyis pa la'ang yongs dag bzhi ngos bzung ste rang lugs nyes med du bsgrub pa dang / rgol ba'i rdor dril gyi de nyid nor bar bstan pa gnyis su mdzad nas/ dang po la/ spyir 'khor gsum yongs dag bzhis byin gyis brlabs zhes gsungs pa'i 'khor gsum ni slob dpon slob ma dbang rdzas gsum yin la/ yongs dag bzhi ni bsnyen pa/ nyer sgrub/ sgrub pa/ sgrub chen dang bzhi yin cing / de la rgyas bsdus bzhi las/ rgyas pa dkyil 'khor yongs rdzogs kho na la sbyor bar gsungs pa dang / 'bring po ni ji skad bshad pa bzhin yin la/ bsdus pa'i dang po ni/ skye mched byin gyis mi rlobs par sku gsung thugs byin gyis brlabs pa dang / dbang mi bskur bar dbu rgyan rang chas can du sgrub pa'i