[A:71a]yan lag bzhi dang / bsdus pa phyi ma ni dam tshig sems dpa' dbu rgyan rang chas can du skad cig las bskyed pa rnams yin par ljon shing las bshad do/ /de ltar na 'grel pa lugs kyi brtul zhugs dang slob dpon gyi dbang rdzas la drangs ma thag pa'i bskyed chog 'bring po de sbyar ba yin zhing / man ngag lugs kyi de gnyis la bsdus pa phyi ma de sbyar ba yin te/ dang po la rdor dril gyi lha thams cad la yan lag bzhi rdzogs dngos su mdzad pa'i phyir dang / phyi ma la rdo rje la lha nyi shu rtsa brgyad dang / dril bu lha nyi shu rtsa gsum skad cig gis bskyed pa'i phyag len de gnyis so sor mdzad pa'i phyir ro/ 'o na bskyed chog phyi ma de la yan lag bar pa gnyis dngos su med pas bzhi rdzogs su mi rung ngam snyam na/ de ni rje btsun sku mched la klan kar 'gyur la/ des na rje btsun gyi gsung de dang kho bo cag gi phyag len la mi mthun pa cung zad kyang med cing / man ngag lugs la bskyed tshul de tsam gyis chog pa ni/ dbang chu las brtul zhugs kyi tshe rdo rje mi dmigs te stong pa'i ngang las hU~M yongs su gyur pa las rdo rjer bskyed la/ de la de bzhin gshegs pa lnga dang / yum lnga dang / sems dpa' brgyad dang / lha mo la sogs pa rdo rje'i de kho na ltar yongs su rdzogs par mos pa bskyed la zhes dang / de la dam tshig gsum byin pa ni rdo rje lag tu blangs la/ hU~M las rdor dril gnyis de kho na nyid rdzogs par dran pas lha'i rnal 'byor mos pa bskyed la zhes dang / dril bu blangs la a'i yi ge las dril bu'i de kho na nyid rdzogs par dran pas dril bur bskyed la zhes