[A:71b]'byung gi bzhi rdzogs dngos su bya dgos pa ma gsungs pas bstan pa yin la/ de kho na nyid rdzogs par dran pas zhes pa des bzhi rdzogs dngos su bya dgos par bstan snyam na/ rdor dril gyi yongs dag bzhi rdor dril gyi de kho na nyid la 'chad pa'i dpyod ldan su zhig 'byung legs par soms shig gsungs par mdzad la/ gnyis pa la khyed kyis brtul zhugs dang slob dpon gyi dbang rdzas la yongs dag bzhi byed pa de khyed rang gi bla ma kun rgyal ba'i kye rdor dkyil chog ltar byed na dkyil chog der ni rdor dril gnyis rdor sems yab yum du bskyed nas/ de zhu ba las rdo rje de ster bar bshad la/ de ni dbang chu las rdo rje la rigs lnga sogs bskyed par bshad pa dang 'gal bas bka' srol gnyis po gang la'ang mi rung / gal te 'grel lugs kyi dbang chu las sa chog la kha 'phangs pa bzhin no snyam na/ slob dpon rin po che'i 'grel lugs kyi dbang chu las rdor dril la lha rigs lnga sogs bskyed pa'i sa chog la kha 'phangs mdzad/ khyod kyis sa chog gi skabs su kha 'phangs kyi lha de rnams ma bskyed par rdo rje 'od dpag med dang / dril bu don yod grub par bskyed pas nor ba yin la/ yang rje btsun gyis mdzad pa'i de kho na nyid kyi yi ge de la khungs su 'dod na/ de ni rtse mo'i sambu Ta'i TIka chen dang mi mthun pas rngog lugs pa zhig gi byas kyi/ rje btsun gyis mdzad pa ma yin la/ ji ltar mi mthun snyam na/ yi ge der rtse dgu pa ni dam tshig rdo rje/ rtsa lnga pa ye shes kyi rdo rje zhes 'byung ba dang / TIka chen las rdo rje mkha' 'gror rtse dgu pa ye shes kyi rdo rje rtse lnga pa dam tshig gi rdo rje zhes