[A:73a] /shugs bstan sgrub byed smra na yang / /rang bzo min pa khyed la med/ /dpyad na 'khrul par shes bzhin du/ /da dung phal cher re dogs byed/ /ces gsungs la/ yang sgyi chu ba buddha shrI'i nor bu'i phreng bar/ lam dus dbang gi yi ge de/ /dgos med gcig la gsungs bar thal/ /bum pa'i dbang bskur bdun pa la/ /'khor gsum yongs dag med pa'i phyir/ /rje btsun nang 'gal gsungs pa dang / /sku mched gnyis kyang 'gal bar thal/ /rdo rje gur gyi gzhung don des/ /'khor gsum yongs dag bkag pa'i phyir/ /'khor gsum yongs dag ces bya ba/ /chu dbang kho na yin par thal/ /dbang bskur phyi ma gsum po la/ /'khor gsum yongs dag med pa'i phyir/ /rdo rje gur gyi gzhung don dang / /slob dpon rtse mo'i dbang chu de/ /khyed kyi dgag bya yin par thal/ /dbang bskur bdun gyi slob dpon de/ /rigs bdun so sor 'pho ba'i phyir/ /dbang bskur bdun la khyed nyid kyang / /'khor gsum yongs dag med par thal/ /lam dus dbang gi yi ge dang / /khyed kyi phyag len mthun pa'i phyir/ /lam dus dbang gi ye ge dang / /khyed kyi phyag len 'gal bar thal/ /dbang bskur phyi ma gsum pa la/ /dbang rdzas yongs dag med pa'i phyir/ /man ngag lugs kyi brtul zhugs dang / /slob dpon gnyis kyi dbang rdzas la/ /bsdus pa phyi ma sbyar zhes pa/ /gyi na tsam gyi tshig tu thal/ /de la dbang rdzas med pa'i phyir/ /zhes gsungs la/ de ltar ngor rdzong gnyis rdo rje brtul zhugs kyi dbang dang / slob dpon gyi dbang