[A:75a]kyi dbang pos rnam smin gyi lus la sogs pa'i sgrib thogs bsal nas sprul sku rang bzhin lhun grub nyi ma lta bur yon tan gyi tshogs mngon du gyur pa la gnas gyur pa zhes bya'o/ de'i phyir rang bzhin rnam dag la bsams na 'byung khungs kyi tshig mi dgos la/ glo bur rnam dag la bsams na 'byung khungs kyi tshig yod par byed do/ de'ang ngag tu brjod na rang bzhin rnam dag gi rin 'byung zhal phyag gi rnam pa can ma yin pa ni rtsa yig aM gi rnam par gnas so/ /rin 'byung zhal phyag gi rnam pa can ni aM yig las byung ngo zhes khas len par bya zhing / /de bzhin du nga rgyal dang tshor ba'i phung po rnam par dag ces pa de la'ang rang bzhin rnam dag dang glo bur rnam dag gnyis las/ las dang po pa'i lus dkyil gsal 'debs ba'i tshe ni snga ma dbang btsan la/ dbang gi rtogs pa brjod pa'i tshe ni phyi ma dbang btsan no gsungs so/ /yang tshar chen gyi rdo rje'i 'khrul 'khor gyi zegs ma las/ de ltar na lus dkyil gyi lha rnams sa bon las bskyed par thal/ sras don ma sogs las bskyed par gsungs pa'i phyir/ 'dod na mi bskyed par thal/ sga theng ma dang dpe mdzod ma gnyis las mi bskyed par bshad pa'i phyir/ ma grub na der thal/ lte ba'i rtsa aM yig gi rnam pa can dang / de'i nang gi khams gnyis bskyed rim gyi skabs kyi lha'i bskyed chog gi sa bon yin pa rgya bod su'ang mi 'thad pa'i phyir/ des na slob dpon rin po che'i lung sbyor du gsungs pa'ang pho brang lnga'i gtso bo'i sa bon tsam bstan pa yin gyi/ khyed 'dod pa ltar yin na de dag brtag gnyis nas