[A:75b]bshad pa'i yig 'bru lnga po de las bskyed dgos pa la/ de 'dra sus kyang ma bshad pa'i phyir ro/ /des na gnas de dag gi rtsa yig hU~M la sogs pa'i rnam par gnas pa rnams de dang der bskyed pa las de bskyed ces brjod pa la dgongs nas aM las/ hU~M las sogs gsungs/ ngo bo rtsa yi ge'i rnam par gnas pa de nyid ka lhar bskyed rgyu yin pas/ las dang po pa rnams go bde ba dang / blun po rnams la 'di lta bu'i log rtog skye ba dgag pa'i phyir aM rin chen 'byung ldan sogs gsal bar gsungs/ don la khyad par med pa ni gnad kyi bshad pa yin no zhes gsungs la/ yang thams cad mkhyen pa dkon mchog lhun grub kyi tshangs pa'i rigs sngags su 'byung khungs kyi don cung zad bshad pa/ skabs don gyi rtsod lan phye ste btab pa dang don tshan gnyis su mdzad nas/ dang po la/ khyed kyi 'byung khungs kyi tshig ces pa de sangs rgyas las chos 'byung / nyi ma las 'od zer 'byung / sprin las char 'byung zhes pa lta bu la 'byung khungs kyi tshig ces bshad pas/ de 'dir yang sbyar na aM las rin chen 'byung ldan 'byung zhes pa lta bur 'gyur bas/ de'i tshe aM las byung ba'i rin 'byung aM nyid las logs pa zhig 'dod dgos pa snga ma de rnams kyi rigs pas shes shing de ni skabs 'dir mi rung ste/ aM las logs su gyur pa'i rin 'byung zhig sprul 'khor gyi dbus su bsgom pa tshad ldan sus kyang ma bshad pa'i phyir zhes sogs gsungs/ don tshan gnyis pa la'ang yin lugs kyi go ba chags pa la phyogs gnyis mi 'gal ba dang / dang po'i las can la ngag 'don cig shos